ተዋጊ ሮቦታ / Robot

ተዋጊ ሮቦታ

በጋሻና በጦር ፣ በፈረስና በበቅሎ፣ አባቶቻችን የጦር ሜዳ ወጥተው ድል አድርገው ይገቡ ነበር። ጫማ እንኳን ለእግራቸው አልነበራቸውም።

ባርኔጣ ለእራስ ቅላቸው፣ የብረት ሰደሪያ ለደረታቸው፣ ትጥቅና ስንቅ እንኳን አባቶቻችን፣ ከበሶና ከጭብጥ ቆሎ ሌላ በድንብ የተዘጋጀ፣ ጎተራም በየቦታው አልነበራቸውም። ያላቸውና የነበራቸው ጠንካራ ወኔ ብቻ ነበር።

አሁን ዘመኑ ለጦረኞች እና ለጦር መሪዎች፣ መሣሪያዎቹ ሁሉ ተቀይረዋል። እንዲያውም አዲስ የተከፈተውን ውይይት በደንብ ከአዳመጥን፣ የቴክኒኩ ጉዞ ሌላ ደረጃ ላይ ደርሶአል።

የሮበተር ወታደሮችና እነሱ የሚያዙአቸው የሮበተር አጋሰሶች፣ ወደፊት ለዓለም ጸጥታ የእንግለዙ መምህር፣ ፕሮፌሰር ኑኤል ሻርኪ፣ እንደሚሉት፣ አደገኛ ናቸው።

„ሒውማን ራይትስ ወች“ የሚባለው ለሰው ልጆች መብት፣ መከበር በዓለም ዙሪያ የሚሟገተውም ድርጅትም፣ ከምሁሩ ጋር አብሮ ሁኖ ፣ አደጋውን ተመልክቶ፣ ይህ ጉዞ ፣ ዝም ተብሎ መታየት የለበትም፣ ብሎ የትግል ጥሪውን፣ ለሕዝብ፣ ማሰማት ጀምሮአል።

„ደር ሽፒግል“ የሚባለው የጀርመኑ ሳምንታዊ መጽሔት፣ እንደዘገበው፣ ወይዘሮ ጁዲ ዊሊያምስ፣ የሰላም ኖቤል ሽልማት አሸናፊ፣ ትግሉ ወስጥ ዘለው አብረው፣ ገብተዋል።

አለአብራሪ በአየር ላይ እየከነፈ፣ የጠላትን፣ ምንደርና ምሽግ፣ በቦንብ የሚደበድበውን አይሮፕላን፣ ቢያንስ፣—ተቃዋሚዎቹ እንደሚሉት፣ አንድ፣ እሱን ቢሮ ውስጥ ተቀምጦ ትዕዛዝ የሚሰጠውና የሚመራው ፣ ሰው ከጀርባው፣ ቢያንስ አለ።

እራሱን ችሎ ግን፣ ድንበር አቋርጦ፣ የጠላት መንደር፣ በኮምቲውተሩ መነጽሩ፣ እየተመራ፣ በጥይት፣ ሆነ …በመርዝ ሜዳውን እያጸዳ፣ ወደፊት የሚሄደውን ፣ “ ዘመናው የሮበተር ወታደር ወይም አጋሰስ“፣ እሱን የሚያዘው የሚቆጣጠረው፣ ሰው፣ ከጀርባው የለም። እንዲያውም ይህን በማድረጉ፣—እነሱ እንደሚሉት፣ ለሮበተሩ ሥራ፣ እንበል ደም በማፍስስ ወንጄሉ፣ ተጠያቂ ክፍልም ወደፊት የለም።

ተሳስቶ ነው፣ ተበላሽቶ ነው፣ ሊሉም ይችላሉ። አናውቀውም ብለውም የሮበተሩን ባለቤትነታቸውን ሊክዱም፣ ይችላሉ።

አንድ አገር ወታደር ከሕግ ውጭ የሆነ ፍጅት፣ በአንድ ሕዝብ ላይ ቢያደርስ፣ ያን ወታደር የላከው መንግሥት በዓለም አቀፍ ሕግ ና ደንብ መሰረት፣ ተከሶ፣ ፍርዱን ይቀበላል። አንድ ሮቦታን በሰራው ሥራ ማን ፍርድ አቅርቦት እሱን ይፋረደዋል?

እንደተነበበው አሜሪካኖቹ፣ አካባቢዉን በመነጽሩ እየቃኘ፣ በጥይትም፣ የጠላትን መንደር እየጠረገ ወደፊት፣ የሚጓዝ ሮበትር ሰርተው አውጥተዋል።

ችግሩ ይህ ሮበተር ፊት ለፊቱ የቆመው ጠላት፣ ይሁን ወዳጅ፣ ያ ሰው በእጁ መዶሻ ይያዝ ወይም ሽጉጥ፣ ሁለቱን አመዛዝኖ መለየት ስለማይችል፣ ቀደም ብሎ ተኩሶ ደረቱን ብሎ፣ እነሱ እንደሚሉት ሰውዬውን ሊገለው ፣ ይችላል። ከዚሁ ጉድ፣ ከሮቦተሩ ጋር የሚዛመደው፣ ድሮን የሚባለው አይሮፕላንና ጣቢያውም በገራችን ባርባ ምንጭ አካባቢ ተተክሎ፣ የሚሠራውንና የሚያስሰውን፣ የሚያውቅ የኢትዮጵያም ባለሥልጣን የለም! ሮቦቱም አንድ ቀን ይከተል ይሆናል። ባለ ስልጣኑም ዛሬውኑ ሮቦት ሆኗል ካልተባልን!

የታሪኩ ሞራል ምኑ ላይ ነው? …ጊዜው ተቀይሮአል…ጊዜው አእምሮ ይጠይቃል!

————————–

a_Schreibfeder

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s